प्रेस संपादक व पत्रकार सेवा संघ (रजि) महाराष्ट्र राज्य या संघटनेच्या राज्य संघटकपदी ह्युमन राईट्स वाॅईस या वर्तमानपत्राचे वरीष्ठ उपसंपादक श्री. रमेश मोपकर यांची निवड
महाराष्ट्र 24 आवाज
मुंबई- प्रतिनिधी- महेश कदम
प्रेस संपादक व पत्रकार सेवा संघ (रजि) महाराष्ट्र राज्य या संघटनेच्या राज्य संघटकपदी ह्युमन राईट्स वाॅईस या वर्तमानपत्राचे डॅशिंग उपसंपादक श्री रमेश मोपकर यांची निवड करण्यात आली आहे.
रमेश मोपकर गेल्या 20 वर्षांपासून पत्रकारिता क्षेत्रात उल्लेखनीय कामगिरी करत असून सामाजिक प्रश्न सोडवण्यासाठी ते तत्पर असतात. त्यांना विविध पुरस्काराने सन्मानित करण्यात आले आहे. त्यांच्या उल्लेखनीय कामगिरीचा विचार करून प्रेस संपादक व पत्रकार सेवा संघ महाराष्ट्र राज्य या संघटनेचे संस्थापक अध्यक्ष आंबेगावे डी. टी. व राज्य कार्यकारिणीने श्री रमेश मोपकर यांची संघटनेचे राज्य संघटकपदी निवड केलेली आहे.
प्रेस संपादक व पत्रकार सेवा संघ सातत्याने संपादक व पत्रकारांच्या न्याय, हक्क, उत्कर्ष, उन्नती, आरोग्य यासाठी कार्य करीत आहे. संपादक व पत्रकारांना विविध शासकीय योजना मिळवून देणे, विमा संरक्षण, मोफत प्रवास योजना, आवास योजना, पत्रकारांना टोल माफी, संपादक व पत्रकारांच्या पाल्यांना शैक्षणिक सुविधा मिळवून देऊन त्यांची शैक्षणिक गुणवत्ता वाढीस लावणे असे विविध प्रकारचे उद्देश डोळ्यासमोर ठेवून प्रेस संपादक व पत्रकार सेवा संघ महाराष्ट्रात मोठ्या जोमाने काम करत आहे. संघटनेसाठी ह्युमन राईट्स वाॅईस या वर्तमानपत्राचे वरीष्ठ उपसंपादक श्री रमेश मोपकर यांच्या अनुभवाचा संपादक व पत्रकारांच्या कल्याणासाठी नक्कीच लाभ होईल. श्री मोपकर यांची राज्य संघटकपदी निवड केल्याबद्दल सर्व स्तरातून अभिनंदन होत आहे.
