प्रेस संपादक व पत्रकार सेवा संघ (रजि) महाराष्ट्र राज्य या संघटनेच्या राज्य सरचिटणीसपदी पोलिस तपास या वर्तमानपत्राचे मुख्य संपादक डाॅ. राजू जाधव यांची निवड
मुंबई- प्रतिनिधी- महेश कदम
महाराष्ट्र 24 आवाज
प्रेस संपादक व पत्रकार सेवा संघ (रजि) महाराष्ट्र राज्य या संघटनेच्या राज्य सरचिटणीसपदी डाॅ. राजू जाधव यांची निवड करण्यात आली आहे.
डाॅ. राजू जाधव गेल्या अनेक वर्षांपासून पत्रकारिता क्षेत्रात उल्लेखनीय कामगिरी करत असून त्यांना विविध पुरस्काराने सन्मानित करण्यात आले आहे. त्यांच्या उल्लेखनीय कामगिरीचा विचार करून प्रेस संपादक व पत्रकार सेवा संघ महाराष्ट्र राज्य या संघटनेचे संस्थापक अध्यक्ष आंबेगावे डी. टी. व राज्य कार्यकारिणीने डाॅ राजू जाधव यांची संघटनेचे राज्य सरचिटणीसपदी निवड केलेली आहे.
प्रेस संपादक व पत्रकार सेवा संघ सातत्याने संपादक व पत्रकारांच्या न्याय, हक्क, उत्कर्ष, उन्नती, आरोग्य यासाठी कार्य करीत आहे. संपादक व पत्रकारांना विविध शासकीय योजना मिळवून देणे, विमा संरक्षण, मोफत प्रवास योजना, आवास योजना, पत्रकारांना टोल माफी, संपादक व पत्रकारांच्या पाल्यांना शैक्षणिक सुविधा मिळवून देऊन त्यांची शैक्षणिक गुणवत्ता वाढीस लावणे असे विविध प्रकारचे उद्देश डोळ्यासमोर ठेवून प्रेस संपादक व पत्रकार सेवा संघ महाराष्ट्रात मोठ्या जोमाने काम करत आहे. संघटनेसाठी पोलिस तपास या वर्तमानपत्राचे मुख्य संपादक डाॅ राजू जाधव यांच्या अनुभवाचा संपादक व पत्रकारांच्या कल्याणासाठी नक्कीच लाभ होईल. डाॅ जाधव यांची राज्य सरचिटणीसपदी निवड केल्याबद्दल सर्व स्तरातून अभिनंदन होत आहे.
