महाड शहर व तालुक्यात पाळला जाणार कडकडीत बंद
महाराष्ट्र 24 आवाज
महाड - योगेश भामरे , शनिवार दि . ४ जुलै महाड शहर , बाजार पेठ आणि तालुक्यात दिवसेंदिवस कोरोना रुग्णांच्या संख्येत वाढ होत असल्याची भिती लक्षात घेवून हा कोरोनाचा वाढता प्रादुर्भाव रोखण्यासाठी प्रशासनाने सोमवार दि . ०६ जुलै ते सोमवार दि . १३ जुलै २०२० रोजी रात्री १२ : ०० वाजेपर्यंत महाड शहर , बाजार पेठ आणि तालुक्यातील सर्व दुकाने पुर्णपणे बंद ठेवण्याचा निर्णय घेण्यांत आला आहे . या काळात केवळ मेडिकल व दवाखाने पुर्ण वेळ चालू राहतील तसेच दुधव्यवसाय सकाळी ०७ ते १० : ०० वाजेपर्यत चालू राहणार आहेत . आज प्राताधिकारी कार्यलयात सर्व पक्षीय नेते , आजी , माजी आमदार , व्यापारी , संघटनांचे प्रतिनिधी , न . प. मुख्याधिकारी , प्राताधिकारी , तहसिलदार , पोलिस अधिकारी यांच्या उपस्थितीत सर्वानुमते हा निर्णय घेण्यात आला आहे .
या काळात पोलिसांकडून नाका बंदी ही केली जाणार आहे तरी नागरीकांची कोणतीही गैरसोय होऊ नये म्हणून आपल्या कुटुंबाला लागणा-या जिवनाश्यक वस्तू सामान आज शनिवार आणि उद्या रविवारी आणून ठेवाव्यात जो कोणी नियम पाळणार नाही त्यांच्यावर प्रशासनाकडून कारवाई करण्यांत येईल अशा सूचना देण्यात आल्या आहेत.
प्रतिक्रिया :- _आज महाड प्रांत कार्यालयात सोमवार ते सोमवार महाड तालुका बंद करण्यासाठी झालेल्या मिटिंगला मा. आमदार , माजी आमदार , जिल्हा परिषद सदस्य , पंचायत समिती सदस्य , नगराध्यक्ष यांना आमंत्रित केले होते. सरपंच लोकप्रतिनिधी नाहीत का ? सरपंच यांनी गावाच्या बाहेर जाण्यासाठी बंदी केली होती तेव्हा सरपंचावर कारवाई करु असे बोलणारे अधिकारी आता आहेत कुठे ? आज झालेल्या मिटिंगला सरपंच प्रतिनिधी म्हणून सरपंच यांना बोलवले पाहिजे होते पण बोलवले नाही गावामध्ये निर्माण होणा-या समस्या सरपंचांच्या कडून जाणून घेऊन निर्णय घेतला पाहिजे होता असे मत प्रत्येकांने माडले आहेत त्यामुळे आज झालेल्या मिटिंगला सरपंचाना न बोलवल्यामुळे प्रश्न निर्माण झाला आहे ._
