ग्रामपंचायतवर पत्रकार हाच प्रशासक असावा
प्रेस संपादक व पत्रकार सेवा संघ , महाराष्ट्र राज्य या संघटनेची मागणी
महाराष्ट्र 24 आवाज
भंडारा(उपसंपादक- संजीव भांबोरे)
जिल्हा परिषद, पंचायत समिती व ग्रामपंचायत यांच्या निवडणूका समोर येत आहेत, तर कोरोनामुळे निवडणूका होणार नाही, म्हणून त्या ग्रामपंचायतवर स्थानिक ठिकाणचा पत्रकार यांची प्रशासक म्हणून नियुक्ती करावी अशी मागणी प्रेस संपादक व पत्रकार सेवा संघाने निवेदनाद्वारे मुख्यमंत्री, ग्रामविकास मंत्री व ग्रामविकास राज्यमंत्री यांच्याकडे केली आहे.
महाराष्ट्राच्या मंत्रीमंडळाच्या ठरावानुसार मा.राज्यपाल यांनी 2020 च्या महाराष्ट्र अध्यादेश क्रमांक 10 नुसार महाराष्ट्र राज्यातील ग्रामपंचायतीमध्ये अधिकारी प्रशासक न ठेवता गावातील नागरीक प्रशासक नियुक्त करावा हे नमुद केले आहे. तेंव्हा गावातील नागरिक प्रशासक नियुक्त करताना स्थानिक पत्रकारांना संधी देण्यात यावी अशी आग्रही मागणी प्रेस संपादक व पत्रकार सेवा संघाने केली आहे. कारण पत्रकार हा समाजमनाचा आरसा आहे. तसेच लोकशाहीचा चौथा स्तंभ आहे.सर्व घडामोडींचा परामर्श घेणारा समाजातील अत्यंत जागरूक घटक आहे.तेंव्हा त्याच गावातील पत्रकारावर ग्रामपंचायतीचे प्रशासक म्हणून नियुक्ती केली तर तो अत्यंत जबाबदारीने आपले काम पुर्ण करु शकतो.व गावच्या विकासासाठी आपले योगदान देवू शकतो.कोरोणासारख्या महामारीच्या कालावधीत जर पत्रकार न डगमगता ,जिवावर उदार होवून काम करु शकतो,तर ग्रामपंचायतीचे प्रशासक म्हणून अत्यंत प्रभावीपणे काम करू शकतो.
तेंव्हा पत्रकारांचा अनोखा सन्मान करण्याची शासनाला संधी आलेली असुन ,शासनाने या मागणीचा संवेदनशील मनाने विचार करावा,
राज्यभरात अनेक ग्रामपंचायतीची मुदत संपत असल्याने प्रशासक नेमण्यात येणार आहे.
पत्रकार सुद्धा गावातील अभ्यासू आणि या पदास पात्र व्यक्ती आहे.पत्रकाराला गावातील सर्व प्रश्नांची चांगली जाणीव असते,त्याचा जनसंपर्क ही दांडगा असतो.त्यामुळे ग्रामपंचायतीवर प्रशासक म्हणून पत्रकार उत्तम कामगिरी करू शकतो.म्हणून पत्रकाराला प्रशासक म्हणून काम करण्याची संधी द्यावी. पत्रकार हाच प्रशासक पदाचा प्रमुख दावेदार आहे
तसेच ज्या गावात पत्रकार नसेल त्या ठिकाणी सामाजिक काम करणाऱ्या व्यक्तीला संधी द्यावी,असेही स्पष्ट करण्यात येत आहे.
वरीलप्रमाणे मागण्या मंजूर करून पत्रकारांना संधी देण्यात यावी ही मागणी करण्यात आली आहे.
