आ. अनिकेत तटकरे यांची तळा प्राथमिक आरोग्य केंद्रास भेट
तहसिल कार्यालयात घेतली आढावा बैठक
महाराष्ट्र २४ आवाज
प्रतिनिधी - सुरेंद्र शेलार
३ जून २०२० रोजी झालेल्या निसर्ग चक्रीवादळामध्ये तळा येथील प्राथमिक आरोग्य केंद्राचे मोठे नुकसान झाले असून आ. अनिकेत तटकरे यांनी प्राथमिक आरोग्य केंद्राची पाहणी करून नुकसान झालेल्या भागाचे बांधकाम सुरू असून लवकरच ते पूर्ण होईल असे सांगितले.
तसेच रूग्णांच्या सेवेबद्दल चौकशीही केली. त्यानंतर तहसिल कार्यालयात आढावा बैठक घेऊन वीज, पाणी, आपदग्रस्तांची मदत, आरोग्य अशा विविध विषयावर चर्चा करण्यात आली. तहसिलदार श्री अण्णप्पा कनशेट्टी, नायब तहसिलदार श्री खरोडे, तळा नगरपंचायतच्या नगराध्यक्षा सौ.रेश्माताई मुंढे, मुख्याधिकारी माधुरी मडके, पंचायत समिती गटविकास अधिकारी श्री यादव, पंचायत समिती सभापती सौ. देवकी लासे नगरसेवक यांच्या समक्ष आढावा बैठक घेण्यात आली. तसेच तळा अभियंता पानसरे यांनी आढावा बैठकीमध्ये वीज पुरवठा काम पाभरे फिडर पासून मजगाव पर्यंत पूर्ण झाले असून लवकरच तळा तालुक्यातील शहरी व ग्रामीण भागात वीज पुरवठा सुरळीत होईल, तसेच येत्या २ ते ३ दिवसात तळा शहराला जेथून पाणी पुरवठा होतो त्या आंबेळी पंपहाऊस येथे वीज पुरवठा सुरळीत करण्यात येईल असे आश्वासन आढावा बैठकीत दिले.
या आढावा बैठकीमध्ये उपनगराध्यक्षा सौ.सायलीताई खातू,पाणी पुरवठा सभापती सौ.नेहा पांढरकामे, नगरसेवक चंद्रकांत रोडे, रवींद्र मुंढे, प्रकाश गायकवाड, चांदिवकर, वैद्यकीय अधिकारी अमोल बिरवाटकर, पत्रकार दिलीप मुळे, नमित पांढरकामे, महाराष्ट्र् २४ आवाजचे पत्रकार सुरेंद्र शेलार आदी मान्यवर उपस्थित होते.
