पत्रकार समीर बामुगडे यांचा कोविड योद्धा म्हणून सन्मान
महाराष्ट्र 24 आवाज
गोवे -कोलाड (विश्वास निकम ) रोहा तालुक्यातील निवी गावचे पत्रकार समीर रामा बामुगडे यांचा मौलाना आझाद बहुउद्देशीय सेवाभावी संस्था, बीड यांच्या वतीने कोविड युद्धा म्हणून सन्मानपत्र देऊन गौरविण्यात आले. समीर बामुगडे हे प्रेस संपादक व पत्रकार सेवा संघ महाराष्ट्र राज्य या संघटनेच्या कोकण विभागाच्या कार्यध्यक्ष पदावर कार्यरत असुन ते गेले १५ वर्षापासून पत्रकारिता क्षेत्रात काम करत असून त्यांनी जनतेचे निर्भीडपणे सामाजिक प्रश्न सोडविले आहेत. याच बरोबर त्यांनी कोविड १९ आपत्ती काळात रोहा तालुक्यात समाजासाठी प्रत्येक ठिकाणी जाऊन जिवाची पर्वा न करता नागरिकांच्या सुरक्षेसाठी अहोरात्र केलेल्या कार्याबद्दल समीर बामुगडे यांना कोरोना योद्धा सन्मानपत्र देऊन गौरविण्यात आले.
यावेळी मौलाना आझाद बहुउद्देशीय सेवा भावी संस्था बीडचे अध्यक्ष अँड.सय्यद अजीम, कार्याध्यक्ष शेख कासीम, सचिव सय्यद मिनहाजोद्दिन, उपसचिव मिर्झा मोईज बेग व सर्व सदस्य उपस्थित होते. उपस्थितांनी त्यांचे अभिनंदन करून शुभेच्छा दिल्या.
