तळा पोलीस ठाण्यातील कोविड योध्दा कोरोनाबाधित निघाल्याने खळबळ
एकूण संख्या १८
महाराष्ट्र 24 आवाज
तळा(किशोर पितळे) तळा तालुक्यात आज नव्याने कोरोना रूग्ण आढळून आला असून तळा पोलीस ठाण्यातील पोलीस शिपाई कोरोना बाधित आढळून आल्याने खळबळ उडाली आहे. पोलीस खातेच टेंशनमध्ये आले आहे दिवसरात्र कोविंड १९ रोखण्यासाठी गेले तीन महीने योध्दा म्हणून कार्यरत होते. यांना लक्षणे दिसू लागल्याने माणगांव उपजिल्हा रुग्णालयात उपचारासाठी दाखल करण्यात आले होते.
त्यांचे स्वँब टेस्ट जे.जे.हाॅस्पिटल येथे पाठवण्यात आले होते. सदर रिपोर्ट काल उशिरा प्राप्त झाला असून माणगांव लोणेरे येथे कोविड सेंटर मध्ये उपचार सुरु आहेत.त्यांच्या पत्नी व बालकाची स्वॅब टेस्ट करण्यात आली असून कोरोना रुग्ण कोणाच्याही संपर्कात आलेला नाही. शहरातील परीटआळी येथील वास्तव्यास असलेला परीसर दिलिप तळेकर यांच्या घरापासून संतोष तळेकर यांच्या घरापर्यंतचा परिसर (सिल) केला आहे व कंटेन्मेंटझोन जाहीर करण्यात आला आहे. प्रशासन अधिक सक्रिय झाले आहे. नगरपंचायत हद्दीत हा दुसरा रूग्ण आढळून आल्याने चिंता वाढली आहे. सद्यस्थितीत १७ कोरोना रूग्णापैकी १४ ठणठणीत बरे झाले असून दोन मृत पावले तर १ उपचार घेत असताना आज १ रूग्ण आढळून आल्याने एकूण १८ संख्या झाली आहे. अशी माहिती तळा तहसील कार्यालयातून प्राप्त झाली असून प्रशासनाने दिलेल्या सुचनांचे तंतोतंत पालन करावे प्रशासनाला सहकार्य करावे असे आवाहन करण्यात येत आहे.
