नेहा नामदेव साळवे या विद्यार्थीनीचे इ दहावीमध्ये घवघवीत यश
महाराष्ट्र २४ आवाज
तळा (सुरेंद्र शेलार) श्री.नामदेव महादेव साळवे व निकिता नामदेव साळवे यांची कन्या कुमारी.नेहा नामदेव साळवे रा.तळा बौद्धवाडी ता.तळा जि.रायगड या विद्यार्थ्यांनीने माध्यमिक शालांत परीक्षा इयत्ता १० वी मध्ये तळे विभाग शिक्षण प्रसारक मंडळाचे श्री.गो.म.वेदक विद्यामंदिर तळे या महाविद्यालयातुन ६०.००% गुण मिळवून उत्तीर्ण झाली आहे.
नेहाची आई तिच्या बालपणातच निघून गेली असल्याने तिची आजी भागीरथीबाई महादेव साळवे आणि चुलती विजेता साळवे तसेच संपूर्ण घरकुटुंब यांनी नेहाला मायेचा, प्रेमाचा आधार दिला.
वडील नामदेव साळवे हे पायामध्ये साधरणत:अपंगत्व असून सुद्धा पुणे या ठिकाणी नोकरी करून त्यांच्या दोन्ही मुलांच्या शिक्षणासाठी दिवसरात्र कष्ट घेत आहेत.
वडिलांच्या कष्टाचे चिज करून नेहाने इयत्ता १० वी मध्ये उत्तम यश संपादन केले आहे.
तिला मिळालेल्या या यशामुळे तिच्या कुटुंबात आनंदाचे वातावरण पसरले आहेे. तिने तळा बौद्धवाडीचे नाव रोशन केले, याचा अभिमान संपूर्ण वाडीला झाला आहे.
नातेवाईक, सगेसोयरे, मित्रपरिवाराने मोबाइलच्या माध्यमातून संपर्क करून नेहावर शुभेच्छांचा वर्षाव केला.
प्रेस संपादक व पत्रकार सेवासंघ महाराष्ट्र राज्य तसेच महाराष्ट्र २४ आवाज न्युज चॅनल यांच्या वतीने नेहाचे मनःपूर्वक अभिनंदन आणि पुढील वाटचालीस हार्दिक शुभेच्छा!
