पालकमंत्री आदिती तटकरे यांच्या उपस्थितीत तळा येथे माझे कुटुंब माझी जबाबदारी मोहिमेला सुरुवात.
महाराष्ट्र २४ आवाज
(तळा श्रीकांत नांदगावकर) रायगड जिल्ह्याच्या पालकमंत्री आदिती तटकरे यांच्या उपस्थितीत आज तळा येथे "माझे कुटुंब माझी जबाबदारी" मोहिमेला सुरुवात करण्यात आली.या मोहिमेत पालकमंत्री यांनी स्वतः शहरातील फोंडळवाडी,जोगवाडी येथे जाऊन नागरिकांची थर्मल व ऑक्सिजन तपासणी केली.माझे कुटुंब माझी जबाबदारी या मोहिमेत आपली व कुटुंबातील सदस्यांची आरोग्यविषयक अचूक माहिती द्यावी जेणेकरून लक्षणे असलेल्या रुग्णांवर वेळीच उपचार होतील व कोरोनाचा प्रसार थांबण्यास मदत होईल असे आवाहन त्यांनी जनतेला केले.तसेच वाढत्या रुग्णसंख्येमुळे तळा वासीयांनी एक आठवडा बाजारपेठ पुर्णतःबंद ठेवण्याचा निर्णय घेतला आहे मात्र यामुळे गरीब जनतेला जीवनावश्यक वस्तूंची कमतरता भासू नये यासाठी विशेष काळजी घेण्याची सूचना त्यांनी संबंधित अधिकारी वर्गाला केली. याप्रसंगी तहसीलदार ए.एम. कनशेट्टी,वैद्यकीय अधिकारी अमोल बिरवाटकर,पो.नि. एस.गेंगजे, नगराध्यक्षा रेश्मा मुंढे,व नगरसेवक उपस्थित होते.
