दारुबंदी अधिकाऱ्यांनी प्रशासकीय परिसराचा केला उकंडा !
जप्त वाहनावर कोसळले झाड उडाली दैना !!
महाराष्ट्र २४ आवाज
जिल्हा प्रतिनिधी- व्यंकटराव पनाळे
लातुर : दि. १८ - दारूबंदी अधिकारी गणेश बारगजे यांच्या कार्यालयाच्या गलथान कारभारामुळे मध्यवर्ती प्रशासकीय इमारती च्या परिसराचा उकंडा झाला आहे. दारुबंदी अधिकाऱ्यांनी जप्त केलेली वाहने या प्रशासकीय इमारतीच्या परिसरात लावून मैदानात पूर्ण दैना उठवली आहे. या मैदानात दारुबंदी अधिकाऱ्यांनी जप्त केलेले अनेक वाहने लावलेले असून त्यामध्ये एक ट्रक पण आणून लावलेला आहे. या ट्रक वर मैदानातला एक वृक्ष कोसळून वाहनावर पडला आहे. दारूबंदी अधिकारी गणेश बारगजे यांच्या मनमानीमुळे प्रशासकीय इमारतीच्या आत आणि प्रशासकीय इमारतीच्या बाहेरील मैदानातही दुर्गंधी पसरली आहे.
जुने जिल्हाधिकारी कार्यालयाच्या या परिसरातील मध्यवर्ती प्रशासकीय इमारतीसह सर्व शासकीय इमारतींची आणि परिसराची देखभाल करण्याची जबाबदारी ही सार्वजनिक बांधकाम विभागाची असून मध्यवर्ती प्रशासकीय इमारतीच्या तळमजल्यावरच सार्वजनिक बांधकाम विभागाचे शाखा अभियंता यांचे कार्यालय आहे. या संपूर्ण देखभालीसाठी स्वतंत्र शाखा अभियंता असून ते नेमके करतात काय हाही एक प्रश्नच आहे. तरीसुद्धा इमारतीमधील दुर्गंधी आणि परिसरातली घाण वाढण्यास दारूबंदी अधिकारी गणेश बारगजे यांचे कार्यालय हेच जबाबदार असल्याचे बोलले जात आहे.
